Namaskar doston main hu KD Patel aur aapka swagat hai hamare article me. Aaj hum ek aise topic par baat karne wale hain jo abhi puri geopolitics community me chhaya hua hai. Social media par ek image tezi se viral ho rahi hai jisme Donald Trump Europeans ko like a boss dikh rahe hain. Ye photo ne sirf memes hi nahi banaye, balki geopolitics ke experts ke beech ek badi debate ko bhi janam diya hai.
Neeche aap image dekh sakte ho jo viral ho rahi hai, aur isi ke basis par hum analysis karenge ki iska geopolitics aur Europe–US relations par kya impact ho sakta hai.
Jaise ki aap iss image me dekh sakte hain Donald Trump ne White House me European leaders ko bula liya aur unhe aese bithaya jaise ye sab aam log ho. Is meeting ka main agenda Ukraine me shanti kaise lani hai iss par charcha karna tha. Ye scene diplomatically ek symbolic message deta hai jo aaj social media aur geopolitics experts ke beech garma-garmi ka mudda bana hua hai.
Bharat ke kai purv diplomats jaise ki Kanwal Sibal sahab bhi bol pade: “Like an officers meeting! Humiliating. Why did the European leaders accept this format?”
Like an officers meeting! Humiliating. Why did the European leaders accept this format? pic.twitter.com/QdC427TCB2
— Kanwal Sibal (@KanwalSibal) August 19, 2025
Iss meeting ka jo format tha usme European leaders iss tarah baithe the jaise koi officers ki meeting chal rahi ho exactly jaise ek boss apne employees se meeting me poochta hai: “Bolo bhai, kya dikkat hai? Kaam kyu nahi ho raha?”
Sibal sahab ne sawal uthaya ki European leaders ne aisa humiliating format accept kyu kiya? Ye ek badi baat hai, kyunki jab bhi USA kehta hai ki India ko ek ally ki tarah act karna chahiye iska matlab hai ki India ko bhi iss tarah boss ke saamne baithna hoga aur sunna hoga ki boss kya keh raha hai.
Yeh scene to bilkul aesa lag raha tha jaise ek king ne rajdarbar bulaya ho aur saare Europeans ko hazir hone ke liye majboor kiya ho.
Dekho agar meeting karni hi thi toh ek round table par ho sakti thi. Yahaan par Europe ke bade bade leaders baithe hue the, aur saamne Trump ekdum comfortable chair mein araam se baitha tha. Ye koi sahi tarika nahi tha.
Aur haan ek aur image viral ho rahi hai lekin wo ek AI generated fake photo hai jisme Trump ke office ke bahar European leaders line mein baithe hue dikhaye gaye hain. Ye asal mein ek meme hai jo ek hidden message convey karta hai, aur abhi ye bhi geopolitics community mein trend kar raha hai.
Ab reality ki baat kar lein – asal mein Trump ne world leaders ka welcome achhe se kiya, aur uski images bhi media mein aa rahi hain. Lekin public ka dhyaan un images pe kam hai, sabki nazar wahi viral wali humiliating image par atki hui hai. Kai European experts aur log khud keh rahe hain ki European leaders ne apni respect compromise kar di aur Europe ko meaningless bana diya.
Aur ab aati hai sabse badi baat iss meeting ka conclusion. USA ko ek $90 billion ka defence deal mil gaya. European Union America se hathiyaar kharidega, aur wahi hathiyaar Ukraine ko diye jayenge taaki wo Russia se ladhai jari rakhe. Iske badle mein USA ko security guarantees deni hongi matlab agar shanti samjhaute ke baad bhi Ukraine par attack hota hai toh USA ko involve hona padega. Clear hai deal sirf USA ke fayde ke liye hai.
Mujhe lagta hai shayad Zelensky geopolitics mein weak hain kyunki unhone apna long term calculation theek se nahi kiya. Vladimir Putin ka mindset alag hai. Maine ek video dekha tha (filhaal link nahi mil raha) jisme Russia mein ek chhote bache ko world capitals aur borders yaad the. Putin ne usse mazaak mein pucha: “Russia ki border batao?” – bacha bola “USA tak!” Putin hansa aur bola: “Nahi, Russia ki koi border nahi hai.” Ye ek sarcasm tha, jiska matlab ye hai ki Russia apne borders expand karna chahta hai uska dream hai ki USSR ko wapas ek kiya jaye.
Aur last mein bas ek hi cheez Putin is like a ‘Γgor’ (French word for hunter) matlab wo apne target ko kabhi chhodta nahi.
Toh dosto, aaj ke liye itna hi. Kal phir milte hain ek naye article ke saath. Iss website ko save kar lo, warna phir dhoondhte reh jaoge.
Post a Comment