5 saal se ban chalne ke baad ab TikTok ki official website India me phir se khul rahi hai. Isse ye speculation garam ho gaya hai ki shayad ye Chinese short video app apni comeback ki taiyari kar rahi hai.
Lekin interesting baat ye hai ki abhi tak TikTok ka app na to Google Play Store par hai aur na hi Apple App Store par. Officially na TikTok ne aur na hi uski parent company ByteDance ne ab tak India return ke bare me koi confirmation diya hai.
Filhaal, website access hone ke bawajood log abhi bhi wait mode me hi hain ki kya TikTok sach me India me comeback karega ya sirf ek aur rumour hai.
π¨ TikTok Comeback Buzz in India!
TikTok India me wapas aane wala hai kya ? Ye sawaal fir se garam ho gaya hai kyunki 5 saal baad app ki official website India me open ho rahi hai. Lekin abhi bhi TikTok ka app Play Store ya App Store par available nahi hai.
Ban ki kahani Kyun hua tha TikTok ban?
2020 me Galwan Valley clash ke baad Indian government ne TikTok aur dusre Chinese apps ko ban kar diya tha. Is clash me 20 Indian soldiers shaheed hue the aur kai Chinese soldiers bhi mare gaye the , Us time sarkar ne kaha tha ki ye apps national security ke liye risk hain.
Abhi kya situation hai ?
Kuch logon ko TikTok ki website India me open ho rahi hai.
Lekin kai users keh rahe hain ki unke liye website abhi bhi inaccessible hai.
Jo website open bhi ho rahi hai, uske subpages properly kaam nahi kar rahe.
Matlab, official comeback abhi confirm nahi hai.
India-China relations ka angle
Ye development us waqt aa raha hai jab India aur China ke relations me halka thaw aa raha hai.
Recently Chinese Foreign Minister Wang Yi ne New Delhi visit kiya aur PM Modi aur S. Jaishankar se mulaqat ki.
Modi ji bhi iss mahine China visit karne wale hain, jo ki unka 7 saal baad pehla visit hoga.
Dono desh ne kuch positive steps announce kiye hain, jaise direct flights resume karna.
Experts bol rahe hain ki global trade tensions (specially Trump ke tariffs) India-China ko thoda aur kareeb la rahe hain.
Toh kya TikTok sach me wapas aayega?
Filhaal sirf website access ho rahi hai, app abhi bhi unavailable hai. Na TikTok ne aur na hi ByteDance ne India comeback par koi official statement diya hai.
Bottom line : Abhi tak ye sirf ek buzz hai final comeback story nahi Users ko wait karna padega ki sarkar aur TikTok dono ka next step kya hoga .
Post a Comment