Tariff Shockwave on india - Full analysis
Trump ne jo tariff ka danda India pe ghuma diya na, wo sirf ek trade policy ka step nahi hai. Ye ek signal hai ki US ab openly apne economic tools ko geopolitics ke weapon ki tarah use karega. Matlab, agar tumhare decisions unke narrative se match nahi karte to turant tariffssanctions ya restrictions aayenge.
Ab iska ripple effect global hai chhoti supply chain se lekar bada geopolitics tak.
India ke liye problem double hai: ek taraf exports pe hit, dusri taraf global investors ke liye uncertainty.
Aur isi pressure zone me China ko bhi samajh aaya ki agar India ko completely ignore karte rahenge to US easily dono ko alag-alag pressurize karega. Isliye Beijing ke liye compulsion ban gaya ki woh atleast economic aur strategic table pe India ke saath engage kare.
Beyond Headlines What Nobody Talks About :
Ab yaha pe sabse interesting cheez aati hai jo normally news me sirf ek line me cover hoti hai rare earths aur supply chainLekin asal game wahi hai.
Dekho, duniya ka har modern tech chahe wo semiconductors EV batteries fighter jets ya missiles sabka base rare earths aur kuch specific raw materials pe tikka hai. Aur isme China ka monopoly sabse bada hai.
China ke paas reserves hi nahi uske paas refining technology bhi hai jo India ke paas abhi fully nahi hai. Matlab agar tomorrow US ya Europe ko chips banana hai EV banana hai ya defence ka maal assemble karna hai to unke supply chain ka choke point China ke haath me hai.
Ab sawal ye hai ki India yaha pe kahan fit hota hai?
π India ke paas reserves to hain monazite sands me rare earths milte hain, Odisha, Kerala aur Andhra me deposits bhi ache khashe hain.
π Lekin problem ye hai ki hum abhi tak unko refine aur process karne me self-sufficient nahi hue. Matlab raw material nikalta hai but uska high-value refining aur component-making abhi bhi China dominate karta hai.
Ab Trump ke tariff ke baad China ko bhi ek risk samajh aaya agar US pure tarah decouple kar de aur India ko incentives de jaise chip fabs , EV ecosystem , to kal ko India unki jagah le sakta hai as a trusted supplier. Aur yehi compulsion China ko push kar raha hai ki India ke sath atleast temporary collaboration kare.
semiconductor aur EV angle :
Semiconductors: Chips ke liye gallium , germanium rare earth magnets sab chahiye. US ne in pe bhi restrictions lagayi hai aur China agar inko choke kare to fabs ruk jayenge. India ko yaha ek neutral player banne ka chance hai.
EV raw materials: Lithium ke liye India Bolivia Argentina aur Australia me tie ups kar raha hai. Lekin processing plants kaafi costly hote hain. China chahta hai ki atleast mid term me India unki supply chain ka part rahe, warna West direct India ko onboard kar lega.
Yaha se ek silent shift ho raha hai log tariff aur trade deficit ki baat karte hain lekin asli story ye hai ki rare earths aur tech minerals ki wajah se China ko India ignore karna dangerous pad raha hai.
India’s Calculated Move :
India abhi direct jump karke fayda lene ke mood me nahi hai woh wait & watch pe chal raha hai.
1962 war ke baad ek cheez clear hai China pe blind trust khud ke pair pe kulhadi maarne jaisa hai.
1988 Rajiv Gandhi ki visit ne India ko sikhaaya tha ki engage karna zaroori hai lekin compartmentalization ke saath border alag trade alag.
2020 Galwan clash ne final warning de di optics alag hote hain ground reality alag.
Isliye aaj India ka formula simple hai engage par verify.
Deals tabhi final hongi jab guarantees aur long-term security mile. Tab tak New Delhi apne cards close to chest rakhega.π
Geopolitical Triangle :
India ka game simple hai ek side chipakna nahi dono side se fayda lena.
πΉ US – defence tech aur chip deals ke liye zaroori.
πΉ China – trade aur supply chain ka bada source par competitor bhi.
πΉ Russia – dono ke beech ka bridge Moscow ke through hi Delhi dono camps ko balance karta hai.
Yani India ka funda clear hai Single camp mein bandhna nahi har camp se apna benefit nikalna.
Why This Time is Different ?
2018 Trump tariffs ke time India ne seedha retaliate kiya tha – apples, almonds, steel sab pe duty laga di. Us waqt stance clear tha pressure accept nahi karna.
Lekin ab game alag hai : India khud global supply chain ka core player ban chuka hai.
Pharma : world ka pharmacy (US/UK heavily dependent).
Semiconductors : chip mission full speed pe.
Oil & Energy : India sabse bada buyer aur re-router.
⚡ Matlab pichli baar fight thi… ab India khud ek stability anchor hai. Yehi unique point hai jo 2018 se is baar ko alag banata hai.
Prediction : What Next ?
Short term ka scene simple hai India ko trade aur rare earths me fayda ho raha hai. EV , pharma , construction thoda relax milega.
Lekin asli sawaal ye hai China genuinely dost ban raha hai ya sirf time pass?
Rare earths pe abhi supply khuli hai but kal fir se bandh bhi ho sakti hai.
India Australia or Africa se naye deal crack kar raha hai taaki China ka dabav kam ho.
Apne MP me rare earth deposits mile he agar India ne refining aur processing plant khol diye toh long-term me asli game change hoga.
Abhi short-term relief hai lekin future India ke apne steps pe depend karega.
Ya toh semi-independent bane supply chain me… ya phir wapas same purana dependency cycle.
me ek line se iss artical ka ant karna chahunga :
China ki smile me dosti kitni aur strategy kitni – bas wahi agle 2-3 saal decide karenge.
chaliye milte he next new article me apna dhyan rakhe or salamat rahe jai hind - kd patel
read this artical : China Claims India Accepted Taiwan as Its Territory ?
Post a Comment